Í Feneyjum fer fram stór og mikil listasýning á tveggja ára fresti, svonefndur myndlistartvíæringur. Þetta árið sýnir Ragnar Kjartanson þar, einn íslendinga, í skála á vegum Íslands. Sýningin er um margt áhugaverð og viðbrögð við henni að sama skapi. Hugleiðingar þær sem hér fara á eftir eru sprottnar upp úr viðkynningu af verkum Ragnars á sýningunni og viðleitni til að setja þau verk í víðara samhengi samtímalistar.

FRAMHALD HÉR >>> "Feneyjar 2009, fjórir viðburðir, heimspeki og (kannski) túlkun" »

Höf. / Auth. Hlynur Helgason28. jún., 2009 | | Athugasemdir/Comments (2) -->

Á nýliðinni sýningu Kristjáns Steingríms í Listasafni ASÍ snerist myndefnið um mold og skrúðgarða, eða nánar um mold úr skrúðgörðum. Sýningin var í mörgum hlutum, á henni voru teikningar af ýmsum gerðum, með tússi á pappír og rissaðar beint á vegginn auk risastórs veggmálverks í Ásmundarsal miðjum. Þungamiðja sýningarinnar, að mínu mati, og tilefni þessara hugleiðinga, eru tvær myndraðir þar sem moldin og skrúðgarðahugmyndin tengist í raun. 

FRAMHALD HÉR >>> "Bil
Tengsl myndar, moldar og raunveruleika í Málverkum, teikningum, ljósmyndum Kristjáns Steingríms í Listasafni ASÍ" »

Höf. / Auth. Hlynur Helgason 4. feb., 2009 | | Athugasemdir/Comments (0) -->

Efni, staflað á gólf og veggi. Myndir sem búið er að fjölfalda, einni gert hærra undir höfuð, signeruð í ramma, hinar í fjölda lita raðað í mynd á vegg, dúkristur, einföld barnaleg teikningin rímar við áráttukennda fjölföldunina, þarf að prófa alla möguleika, kannski er svarið einhversstaðar - þumall lítillar handar snertir þumal stórrar handar. Barnsskyrta, fagurlega gerð úr sama efni, lérefti, og fyllir salinn. Í innrými er búið að gera einföld þrykk úr pappaspjöldum sem greinilega eru skorin eftir sníðahlutunum sem skyrtan er úr. Í texta er okkur sagt frá því að í Skáldskaparmálum Aristótelesar sé það geigvænleg reynsla þegar mannveran kemst að uppruna sínum. Þá, loksins, fara brotin að raðast saman, þá fer hugsunin af stað, þá fer sýning úr að því er virðist handahófskenndum hlutum að gerast, einhverskonar heild að verða til.

FRAMHALD HÉR >>> "Kennsl Bjarkar Guðnadóttur í Suðsuðvestur" »

Höf. / Auth. Hlynur Helgason 1. sep., 2008 | | Athugasemdir/Comments (0) -->

Nú stendur til að gerðar verði breytingar á höfundarréttarlögum á Íslandi. Líklegt er að nú, sem fyrr, verði breytingin í þá átt að þjóna hagsmunum iðnaðarframleiðslu, en ekki listamanna og höfunda þótt yfirlýst markmið höfundarréttarlaga sé að gæta hagsmuna þeirra. Þar sem gagnrýni í listum (og á listum) tengist tjáningarfrelsi, og þar sem höfundarréttarvörn í þágu iðnaðar hefur yfirleytt þau áhrif að skerða tjáningarfrelsi einstaklinga, telur FUGL rétt að koma inn í umræðuna á þessu stigi og benda á nokkur atriði sem máli skipta fyrir höfunda í tengslum við höfundarétt.

FRAMHALD HÉR >>> "Staðreyndir um höfundarrétt" »

Höf. / Auth. Hlynur Helgason12. feb., 2008 | | Athugasemdir/Comments (0) -->

Það hefur lengi verið áhugaverð iðja á Íslandi að búa til ný orð til að reyna að túlka hugmyndir, skoðanir og álit manna, auk þess að þýða ýmis hugtök sem menn í útlöndum hafa yfir hugmyndir sínar og eiga sér ekki endilega samsvörun í íslensku. Oft tekst mönnum vel upp með orðsmíðar, en oftar en ekki verða til skrýtin hugtök sem heldur minna á skuggabaldur en almennileg dýr. Þetta á sér sér í lagi stað þegar menn reyna að sameina undir einn hatt hluti sem ekki er sjálfgefið að eigi heima saman. Sjónlist er eitt af þessum nýyrðum sem sprottið hafa upp að undanförnu. Það virðist saklaust við fyrstu sýn - tilraun til að steypa myndlist og hönnun saman í einn flokk - en því miður felast í orðinu 'sjónlist' óheppilegar vísanir sem gera það að verkum að dæmið gengur ekki upp: Í þeirri mynd sem reynt er að nota orðið 'sjónlist' verður það því miður innantómt, og þess vegna nær að halda því fram að sjónlist sé ekki til!

FRAMHALD HÉR >>> "Sjónlist er ekki til" »

Höf. / Auth. Hlynur Helgason17. sep., 2007 | | Athugasemdir/Comments (0) -->